Այսօր մեր քննիչները կհարցաքննեն Պերմյակովին. Գևորգ Կոստանյան
Իրավունք
«Մենք դեռևս տվյալ անձին մեր քրեական գործով չենք հարցաքննել, այսօր մեր քննիչները կհարցաքննեն նրան: Թե ինչ ցուցմունք է տվել նա ռուսական օրենսդրությամբ հարուցված քրեական գործի շրջանակներում, ես չգիտեմ և չեմ կարող մեկնաբանել»,- Գյումրիում հրավիրված ասուլիսում հայտարարեց ՀՀ գլխավոր դատախազ Գևորգ Կոստանանը:
Վերջինս նշեց, որ քրեական գործին վերաբերող բոլոր առարկաները գտնվում են Հայաստանի իրավապահների իրավազորության ներքո և վերջիններս կանցկացնեն դրանց փորձաքննությունը: «Փորձաքննությունները նշանակվելու են Հայաստանի քննչական կոմիտեի քննիչի կողմից՝ ՀՀ փորձագիտական կենտրոններում, օրենքով սահմանված կարգով: Անկախ նրանից, թե ռուսական կողմն ինչպիսի գործողություններ է իրականացնում, մենք շարունակում ենք քննչական գործողությունները: Քննություն է անցկացվելու նաև ռուսական 102-րդ բազայի տարածքում: Մենք որևէ կերպ չենք բացառում, որ քննության ընթացքում կարող են հայտնաբերվել փաստեր, որոնց հիման վրա կփոխվի կամ կլրացվի մեղադրանքը»,- ասաց Կոստանյանը:
Նա հիշեցրեց, որ Պերմյակովին՝ որպես մեղադրյալ գործին ներգրավելու որոշումը կայացվել է 6 անձի սպանության և մեկ անձի սպանության փորձի մեղադրանքով. «Դա այս պահին առկա փաստն է, իսկ մյուս փաստերը պարզ կդառնան քննության ընթացքում»,- ասաց նա:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
