Գևորգ Կոստանյանը կրկին իջավ դատախազության շենքից. «Ամեն ինչ անելու եմ, որ այդ սրիկան պատասխանատվության ենթարկվի»

Շիրակի մարզի դատախազության դիմաց հավաքված ցուցարարները չեն հեռանում: Նրանք պահանջում են Պերմյակովին հանձնել հայ իրավապահներին:

ՀՀ գլխավոր դատախազ Գևորգ Կոստանյանը երկրորդ անգամ դուրս եկավ հավաքվածների հետ հանդիպելու.

«Մենք, այստեղ նստած, աշխատում ենք, ժողովո’ւրդ, հանգիստ եղեք:  Սա մեր երկիրն է, սա մեր պետությունն է, հանցագործը մեր երկրի դեմ, մեր քաղաքացու դեմ է դուրս է եկել: Դա նշանակում է՝ դուրս է եկել իմ դեմ, յուրաքանչյուրի դեմ: Հասկանում եմ, ես էլ երեխաներ ունեմ, ես էլ ընտանիք ունեմ և սա ոչ միայն որպես գլխավոր դատախազ եմ ասում, այլ նաև որպես հայ: Ամեն ինչ անելու եմ, որ այդ սրիկան պատասխանատվության ենթարկվի: Բոլորս էլ նույն բանն ենք ուզում, բայց մեր ուզածին հասնելու ճանապարհ կա, և մենք այդ ճանապարհն ենք հարթում», - դիմելով ժողովրդին՝ ասաց Կոստանյանը:

Այնուհետև դատախազին մոտեցավ «Ժառանգություն» խմբակցության պատգամավոր Զարուհի Փոստանջյանը, ով պահանջներ ներկայացրեց Կոստանյանին: Զրույցի վերաբերյալ հավելյալ տեղեկատվություն կհաղորդենք քիչ ուշ: