Ոստիկանները 34-ամյա տղամարդու մոտ խուզարկությամբ թմրամիջոց են հայտնաբերել

Ոստիկանության Երևան քաղաքի վարչության և Մալաթիայի բաժնի ծառայողները Երևանի Շերամի փողոցի թիվ 51 շենքի մոտից, թմրանյութ պահելու կասկածանքով, փետրվարի 3-ին' ժամը 17.30-ին, բերման են ենթարկել 1981թ. ծնված Արմեն Հ.-ին:

Խուզարկությամբ նրա դրամապանակից, ծխախոտի փայլաթիթեղների մեջ փաթաթված, հայտնաբերվել է «սուբոտեքս» թմրամիջոցի նմանվող 1 ամբողջական և կես դեղահաբ: Հայտնաբերվածն ուղարկվել է փորձաքննության:

Կատարվում է քննություն: