Մինչ «թիվ 1 գաիշնիկը» նեղսրտում է մամուլի հրապարակումներից. իր աշխատակցի մահվան գործը տեղափոխվեց Հատուկ քննչական կոմիտե. shamshyan.com (ֆոտո տեսանյութ)

Իրավունք 20 Փետրվար, 2015 10:28

SHAMSHYAN.com-ի տեղեկություններով՝ ՀայաստանԻ քննչական կոմիտեի Արմավիրի մարզային քննչական վարչութան Էջմիածնի քննչական բաժնում Ճանապարհային ոստիկանության 2-րդ սպայական գումարտակի 1-ին վաշտի աշխատակցի մահվան փաստով հարուցված քրեական գործը փոխանցվել է Հայաստանի քննչական կոմիտե: Ինչպես հայտնում է ֆոտոլրագրող Գագիկ Շամշյանը, նշված քրեական գործը հարուցվել է ՀՀ քր.օր-ի 242 հոդվածի 3-րդ մասի (Ճանապարհային երթևեկության և տրանսպորտային միջոցների շահագործման կանոննները խախտելը, որն անզգուշությամբ առաջացրել է 2 կամ ավելի մարդու մահ) հատկանիշներով:

Ըստ Գ. Շամշյանի տեղեկությունների՝ Mercedes-ի վարորդը, ով նույնպես մահացել էր, Հայաստան էր ժամանել Շվեդիայից նշված ավտոմեքենայով: Պարզվել է նաև, որ վթարի օրը և վթարից 1 օր առաջ նա այնքան արագ է վարել ավտոմեքենան, որ արագության գերազանցումը ֆիքսել է Երևան-Արմավիր ավտոճանապարհին տեղադրված արագաչափ սարքը: Ողբերգական վթարից հետո նրա ծնողները պահանջել են, որպեսզի դին տեղափոխվի Շվեդիա, որպեսզի հուղարկավորությունը կատարվի այնտեղ:

Ի դեպ, վթարի օրը վթարի վայր էին ժամանել ՀՀ ոստիկանապետի տեղակալ Սամվել Հովհաննիսյանը, Ճանապարհային ոստիկանության պետի տեղակալ Եգոր Կարապետյանը, ՃՈ 2-րդ սպայական գումարտակի հրամանատար Սուրեն Խուդոյանը, ոստիկանության Արմավիրի մարզային վարչության ղեկավար կազմը, Վաղարշապատի ոստիկանապետ Ռոման Կիրակոսյանը, Հայաստանի քննչական կոմիտեի Արմավիրի մարզային քննչական վարչության և նույն վարչության Վաղարշապատի քննչական բաժնի ղեկավար կազմը, ՀՀ Տարածքային կառավարման և Արտակարգ իրավիճակների նախարարության Փրկարար ծառայության թիկունքի վարչության պետ Արշակ Վարդանյանը և պաշտոնատար այլ անձինք, մինչդեռ մահացած ՃՈ աշխատակցի մտերիմները վթարի վայրում ավելի շատ սպասում էին իրեն «թիվ 1 գաիշնիկ» համարող ՃՈ պետ, գեներալ Արտակ Հարությունյանին, սակայն նա ոչ միայն չբարեհաճեց դեպքի վայր, ինչպես բազմաթիվ ողբերգական ու աղմկահարույց դեպքերի ժամանակ, այլ իր մեջ «ուժ չգտավ», որպեսզի մասնակցի ՃՈ համակարգում բարի համբավ ունեցող ՃՈ աշխատակցի թաղման և հոգեհանգստի արարողությանը և այս օրերին իր աշխատասենյակում հետևում է զանգվածային լրատվամիջոցների հրապարակումներին, թե ինչ նյութեր են մատուցվում հանրությանը ՃՈ աշխատանքների վերաբերյալ ու բավականին ծանր է տանում, թե ինչու են ԶԼՄ-ները հրապարակումեր անում իր մասին:

Շարունակությունն` այստեղ: