52-ամյա տղամարդը գողություն է կատարել Երևանի մի շարք թաղամասերից

Ոստիկանության Երևան քաղաքի վարչության ծառայողները մարտի 12-ին` ժամը 11.40-ին, Արարատի մարզի Մարմարաշեն գյուղի Երևանյան խճուղու տներից մեկից գողություն կատարելու կասկածանքով ոստիկանության Կենտրոնականի բաժին բերման են ենթարկել 1963թ. ծնված Հարություն Ա.-ին:

Հարություն Ա.-ն խոստովանել է, որ 2014թ. դեկտեմբերից մինչև 2015թ. հունվարն ընկած ժամանակահատվածում Երևանի Ամիրյան փողոցում կայանված «ԳԱԶել» մակնիշի ավտոմեքենայից գողացել է հագուստ, ինչպես նաև Երևան քաղաքի տարբեր թաղամասերից կատարել է մի շարք գողություններ: Ձեռնարկվում են միջոցառումներ տուժողներին հայտնաբերելու ուղղությամբ:

Կատարվում է հետաքննություն: