Տանտերը բռնել է իր տուն մտնել փորձող գողին

Դավիթաշենի 4-րդ թաղամասի մի բնակիչ զանգահարել է ոստիկանության Դավիթաշենի բաժանմունք ու հայտնել, որ գող է բռնել: Մեկնած օպերատիվ խումբը պարզել է, որ ապրիլի 5-ին' ժամը 20.00-ին, 1998 թ. ծնված Վանիկ Ս.-ն փորձել է բացել Դավիթաշեն 4-րդ թաղամասի բնակարաններից մեկի մուտքի դուռը, սակայն ներսից ձայներ լսելով' թաքնվել է շենքի տանիքում և հայտնաբերվել բնակարանատիրոջ կողմից: Վանիկ Ս.-ն ներկայացվել է ոստիկանության Դավիթաշենի բաժանմունք:

Կատարվում է քննություն: