Զինամթերքը թողել է էլեկտրակայանի մոտ. 2 նռնակ, պահունակ` 30 փամփուշտով

Ոստիկանության Երևան քաղաքի վարչության օպերատիվ կառավարման կենտրոն զանգահարած քաղաքացին հայտնել է, որ զենք-զինամթերք է թողնում Երևանի Քաջազնունու փողոցի թիվ 11 շենքի հետնամասի էլեկտրակայանի մոտ:

Ոստիկանության մամուլի ծառայությունից հայտնում են, որ մեկնած օպերատիվ խումբը նշված վայրում հայտնաբերել է «Ֆ-1» տիպի 2 նռնակ՝ պայթուցիչներով, և պահունակ՝ լիցքավորված 5.45 մմ տրամաչափի 30 փամփուշտով:

Նշանակվել է փորձաքննություն:

Կատարվում է հետաքննություն: