Դատապարտյալին բերված հանձնուքից հայտնաբերվել է 17 բջջային հեռախոս

ՀՀ արդարադատության նախարարության «Նուբարաշեն» քրեակատարողական հիմնարկի աշխատակիցները, հունիսի 18-ին՝ ժամը 13:10-ի սահմաններում, օպերատիվ տվյալներն իրացնելով, դատապարտյալ Ն. Մ.-ի անվամբ քաղաքացի Կ. Ս.-ի կողմից բերված հանձնուքի միջից հայտնաբերել և առգրավել են 17 բջջային հեռախոս:

Ինչպես տեղեկացնում են ՀՀ արդարադատության նախարարության քրեակատարողական վարչության հանրային կապերի բաժնից, փաստի առթիվ նախապատրաստվում են նյութեր: