Վարդենիսի բնակիչը գողություն է կատարել Սոթքի ոսկու հանքից

Ոստիկանության Վարդենիսի բաժնի ծառայողները հուլիսի 18-ին' ժամը 18.45-ին, 1972թ. ծնված Վարդան Ս.-ի տան բակի տեսանելի վայրից զննությամբ հայտնաբերել են 3 պլաստմասսե տարա' 17 կգ, 1,8 կգ և 6 կգ' ընդհանուրը 24,8 կգ քաշով հանքանյութի նմանվող մանրացված զանգվածով:

Ինչպես  տեղեկացնում են ՀՀ ոստիկանության հասարակայնության հետ կապերի եւ լրատվության վարչությունից, Վարդան Ս.-ն բացատրություն է տվել, որ նշված հանքանյութի նմանվող զանգվածը հուլիսի 8-ին ինքը գողացել է Սոթքի ոսկու հանքի «Բաց հանք»-ի տարածքից' հետագայում մշակելու և ոսկի ստանալու նպատակով:

Նշանակվել է փորձաքննություն:

Կատարվում է հետաքննություն: