Վիճաբանություն և ծեծկռտուք՝ Սասունցի Դավիթ կայարանի մոտակայքում

Հուլիսի 23-ին, ժամը 00.55-ին, հիվանդանոցից ոստիկանության Էրեբունու բաժնում հաղորդում է ստացվել, որ «պոլիտրավմա» ախտորոշմամբ «շտապօգնության» խումբը բուժօգնության է տեղափոխել մոտ 45 տարեկան տղամարդու, ով, ըստ բժշկի հաղորդման, Սևանի փողոցում' երկաթգծի մոտ, ծեծի է ենթարկվել: Այս մասին ԼՈՒՐԵՐ.com-ը տեղեկանում է ոստիկանության լրատվական ծառայությունից: 

Մեկնած օպերատիվ խումբը պարզել է, որ տուժողը Կոլյա Մ.-ն է: Նա ի վիճակի չի եղել հաղորդում տալու:

Նշանակվել է դատաբժշկական փորձաքննություն: 

Ոստիկանության ծառայողների ձեռնարկած միջոցառումների շնորհիվ պարզվել է, որ հուլիսի 23-ին, ժամը 00.05-ին, Սասունցի Դավթի կայարանամերձ հրապարակի հետնամասում, վիճաբանության ժամանակ, 1987 թ. ծնված Արտաշ Շ.-ն ձեռքերով և ոտքերով հարվածել է 1964 թ. ծնված Կոլյա Մ.-ի մարմնի տարբեր մասերին' պատճառելով վնասվածք:

Կատարվում է քննություն: