Լեո Ֆորեստի հորն իր ընտանեկան կարողությունը տնօրինողի վրա հարձակման մեղադրանք է առաջադրվել

Դաունի սինդրոմով տառապող Լեո Ֆորեստի (ազգությամբ հայ մայրը հրաժարվել էր երեխայից) հայրը իր ընտանեկան կարողությունը տնօրինողի վրա հարձակման մեղադրանք է առաջադրվել: «Արմենպրես»-ի հաղորդմամբ' այս մասին է հայտնում նորզելանդական Staff.co.nz-ն:

Երեխայի հայրը' Սամուել Ֆորեստը, հերքում է բոլոր մեղադրանքները: Դատական լսումները շարունակվելու են սեպտեմբերին: Նրա կոչով համացանցի օգնությամբ հաջողվել էր հավաքագրել 660 հազար ԱՄՆ դոլար, և այդ գումարով երեխային պետք է տեղափոխեին Հայաստանից Նոր Զելանդիա:

Վերը նշված գումարի տնօրինող Թինա Մակ-Լախլանը նշել է, որ իրեն չէին վճարում իր ծառայությունների համար, իսկ դա արվում էր երեխայի համար: «Ես հարցրել էի Սեմին այն փողերի մասին, որոնք չէին հերիքում Լեոյի ֆոնդի համար: Բանկը առաջարկել էր նրան ձեռնարկել միջոցառումներ՝ այդ գումարները վերահսկելու համար, սակայն նա հրաժարվեց դա անել, ինչը նրան հնարավորություն տվեց լիովին վերահսկելու այդ ֆինանսական միջոցները»,-նշել է նա' հավելելով, որ այդ հարցից հետո Ֆորեստը մի քանի անգամ հարվածել է իրեն:

Ֆորեստի փաստաբանը հերքում իր պաշտպանյալի մեղավորությունը, իսկ մեղադրյալը հրաժարվել է շփվել ԶԼՄ-երի հետ: «Ես որևէ բան չունեմ ասելու: Ինձ հանգիստ թողեք: Ես ուզում են վերադառնալ տղայիս մոտ»,- ընդգծել է Ֆորեստը:

Ավելի վաղ' GoFundMe ինտերնետային կայքում Ֆորեստը համապատասխան էջ էր բացել' իր տղայի համար հանգանակություններ կատարելու համար: «Որպես միայնակ հայր' իմ նպատակն է, որ ես կարողանան հավաքել այնքան գումար, որպեսզի կարողանամ Լեոյին ինքնուրույն խնամել գոնե մեկ տարի' տալով նրան այն սերը և հավատարմությունը, որոնք այդքան անհրաժեշտ են երեխային»,- նշված էր կայքում տեղադրված հաղորդագրության մեջ: