Հայաստանում Վահան Մարտիրոսյանի դեմ քրեական գործ է հարուցվել. վերջինս դեռևս սեպտեմբերի 9-ից հետախուզման մեջ էր

Ադրբեջանից քաղաքական ապաստան խնդրած «Ներազգային ազատագրական շարժում» կոչվող նախաձեռնության ղեկավար Վահան Մարտիրոսյանի նկատմամբ հարուցվել է քրեական գործ' ՀՀ քրեական օրենսգրքի 177-րդ հոդվածի 2-րդ մասի 2-րդ կետի հատկանիշներով(խոշոր չափերով գողություն): Այս մասին տեղեկացնում է ՀՀ քննչական կոմիտեն:

Գործի շրջանակներում որոշում է կայացվել Վահան Մարտիրոսյանին որպես մեղադրյալ ներգրավելու մասին: Սեպտեմբերի 9-ից Վահան Մարտրիոսյանի նկատմամբ հայտարարվել է հետախուզում: