Սուրիկ Խաչատրյանի որդին ազատ արձակվեց

Գորիսի «Սդղի գյոլ» կոչվող տարածքում մայիսի 2-ին տեղի ունեցած վիճաբանության հետ կապված քրեական գործով որպես մեղադրյալ ներգրավված Տիգրան Խաչատրյանը ազատ է արձակվել «Նուբարաշեն» քրեակատարողական հիմնարկից: «Քրեական գործը վերահսկող դատախազը քննարկել է ՀՀ քննչական կոմիտեի միջնորդությունը և որոշում է կայացրել վերացնել կալանավորում խափանման միջոցը. իմ պաշտպանյալը ազատ է արձակվել»,-«Արմենպրես»-ի հետ զրույցում հայտնեց Տիգրան Խաչատրյանի փաստաբան Արմեն Մելքոնյանը: