Սահմանադրական դատարանի որոշումը լիովին բավարարել է հայցվորներին

Իրավաբաններ Արտակ Զեյնալյանն և Արա Ղազարյանը լիովին բավարարված են Սահմանադրական դատարանի կայացրած որոշումից: «Սահմանադրական դատարանն ասել է, որ ՀՀ քրեական օրենսգրքի 279-րդ հոդվածի շարադրված այլ հաղորդումները չեն կարող դիտարկվել որպես հոդված: Սահմանադրական դատարանը սա գնահատել է որպես նոր հանգամանքով դատական ակտերի վերանայման հիմք»,- «Արմենպրես»-ի հաղորդմամբ' լրագրողների հետ զրույցում հայտնեց իրավաբան Արտակ Զեյնալյանը:

Նա նկատեց, որ իրենք եռամսյա ժամկետում դիմելու են ՀՀ վճռաբեկ դատարան և պահանջելու են «iLur.am» ինտերնետային կայքի խմբագիր Քրիստինե Խանումյանի նկատմամբ ՀՀ քրեական օրենսգրքի 353-րդ հոդվածի 2-րդ մասով (դատական ակտը դիտավորությամբ չկատարելը) հարուցված քրեական գործի վերաբացում: «ԶԼՄ-ների մասին 5-րդ հոդվածը այլևս չի կարող մեկնաբանվել այլ կերպ, քան Սահմանադրական դատարանի վճռում առկա ձևակերպումները' այդ է տեղեկատվության աղբյուրը կարելի է բացահատել բացառապես երեք դեպքերում. այդ դեպքերից երկուսը վերաբերում են ծանր հանցագործությունների կանխմանը և մեկը վերաբերվում է ծանր հանցագործություններ մեջ մեղադրվող մարդուն արդարացնելուն, որը մեր վստահորդների պարագայում չի եղել»,- շեշտեց Զեյնալյանը' հավելելով, որ լիարժեքորեն լուծված է Սահմանադրական դատարանի առջև դրված իրավական խնդիրը:

ՀՀ Սահմանադրական դատարանը հոկտեմբերի 20-ին գրավոր ընթացակարգով քննության առավ «Հրապարակ օրաթերթ» և «Ստարտ Մեդիա» ՍՊ ընկերությունների դիմումների հիման վրա' «Զանգվածային լրատվության մասին» ՀՀ օրենքի 5-րդ հոդվածի 2-րդ մասի, «ՀՀ քրեական դատավարության օրենսգրքի 14-րդ հոդվածի երկրորդ մասի, 41-րդ հոդվածի 2-րդ մասի 1-ին կետի, 279-րդ հոդվածի' Հայաստանի Հանրապետության Սահմանադրությանը համապատասխանության հարցը որոշելու վերաբերյալ գործը' ընդգծելով, որ դատական գործերը պետք է վերանայվեն:

Անցած տարի «ilur.am» կայքը հրապարակել էր մի հոդված, ըստ որի Շիրակի արդեն նախկին ոստիկանապետ Վարդան Նադարյանը հարձակվել և բռնություն է գործադրել գյումրեցի ճանաչված ըմբիշ, Եվրոպայի եռակի չեմպիոն Արթուր Ալեքսանյանի նկատմամբ։ Թեման զարգացրել էր«Հրապարակ» օրաթերթը: Մամուլի հրապարակման հիման վրա ՀՀ քննչական կոմիտեն քրեական գործ էր հարուցել և դատարանի որոշմամբ «ilur.am» կայքի խմբագիր Քրիստինե Խանումյանին պարտադրվելէր բացահայտել նյութի աղբյուրը: Սակայն, վերջինս հրաժարվել էր, որից հետո վերջինս մեղադրվում էրտեղեկատվության աղ բյուրը դիտավորությամբ չբացահայտելու, կամ ավելի ստույգ՝ աղբյուրը բացահայտելու մասին դատական ակտը դիտավորյալ չկատարելու մեջ։

Քրիստինե Խանումյանի նկատմամբ խափանման միջոց էր ընտրվել ստորագրություն չհեռանալու մասին:Լրագրողի նկատմամբ հարուցված քրեական գործը երկար ընթացք չստացավ, քանի որ Կենտրոն և Նորք-Մարաշ վարչական շրջանների դատախազության դատախազի որոշմամբ կարճվեց Խանումյանի նկատմամբ ՀՀ քրեական օրենսգրքի 353-րդ հոդվածի 2-րդ մասով (դատական ակտը դիտավորությամբչկատարելը) հարուցված քրեական գործը: