Ոստիկանությունը մեկ օրում բացահայտել է շուրջ երկու տասնյակ հանցագործություն

ՀՀ ոստիկանության օպերատիվ հաղորդագրությունների ամփոփագրերի համաձայն' հոկտեմբերի 22-ից 23-ն ընկած ժամանակահատվածում հանրապետությունում արձանագրված մարմնական վնասվածք հասցնելու 12 դեպքից բացահայտվել է 10-ը, կողոպուտի երեք դեպքից' երկուսը:

Բացահայտվել է գողության եւ խարդախության' վեցական, յուրացման երեք և գույքի դիտավորությամբ ոչնչացման 1 դեպք: Նախկինում կատարված հանցագործություններից բացահայտվել է ավազակային հարձակման մեկ և գողության չորս դեպք:

Անցած մեկ օրվա ընթացքում հանրապետությունում արձանագրվել է ճանապարհատրանսպորտային յոթ պատահար, ինչի հետևանքով յոթ մարդ ստացել է տարբեր աստիճանի մարմնական վնասվածքներ: