Հայտնի է գործարարի տան վրա հարձակված ու մահացած անձի ինքնությունը. News.am (լուսանկարներ)

News.am-ը գրում է.

Երևանի Բաշինջաղյան փողոցում այսօր՝ դեկտեմբերի 15-ին, ավազակային հարձակում կատարելու պահին վնասված ու հիվանդանոցում մահացած անձի ինքնությունը հայտնի է։ News.am-ին հայտնի է դարձել, որ նա 39-ամյա Գևորգ Սարգսյանն է, որը նախկինում ունեցել է սեփական բենզալցակայան։

Նախնական տեղեկություններով՝ավազակային հարձակում կատարելու պահին տանը եղել են «Շանթի Յուրա» անունով հայտնի գործարար Յուրա Ղարիբյանի կինը և զոքանչը։ Տանը եղել են նաև մանկահասակ երեխաներ։ Այս պահին դեռ հայտնի չէ՝ տանը գտնվող անձանցից ով է դանակով հարվածել հարձակում կատարողին։

Ավելի վաղ հայտնել էինք, որ Երևանի Բաշինջաղյան փողոցում այսօր՝ դեկտեմբերի 15-ին, տեղի ունեցած ավազակային հարձակման հետեւանքով «Արմենիա» ԲԿ է տեղափոխվել 2 կին:

Հիվանդանոց տեղափոխված կանայք այս պահին գտնվում են ԲԿ-ի ընդհանուր վիրաբուժության կլինիկայում:

Մանրամասները՝ այստեղ:

Լուսանկարները՝ shamshyan.com-ի