«ՀԺ». «Եթե կարող ես, ընտրվիր». Հրազդանի գործող քաղաքապետը Սերժ Սարգսյանի «դաբրոն» չի ստացել
Հայկական աշխարհ
«Հայկական ժամանակ» թերթը գրում է. «Հրազդանի գործող քաղաքապետ Արամ Դանիելյանը մոտ մեկ ամիս առաջ եղել է Սերժ Սարգսյանի մոտ: Դանիելյանը ցանկացել է Սարգսյանի «դաբրոն» ստանալ ապրիլի 17-ին կայանալիք ընտրություններում առաջադրվելու և «հաղթելու» համար:
Ինչպես փոխանցում են մեր աղբյուրները, իր ակնկալիքը գործող քաղաքապետը չի ստացել: Սերժ Սարգսյանի պատասխանը եղել է հետևյալը՝ եթե կարող ես, ընտրվիր: Դանիելյանի մերձավորներից ստացված տեղեկությունների համաձայն, նա այժմ բավական լարված է և փորձում է մոբիլիզացնել իր շրջապատը:
Տեղեկություններ կան, որ Դանիելյանը նաև նախընտրական շտաբ է ձևավորում, իսկ շտաբի պետը հնարավոր է, որ լինի Կոտայքի փոխմարզպետներից մեկը:
Հիշեցնենք, որ Հրազդանի քաղաքապետի ընտրություններում առաջադրվելու է նաև Սասուն Միքայելյանը: Ինչպես հայտարարվել է, վերջինիս շտաբի պետը լինելու է ԱԺ պատգամավոր Նիկոլ Փաշինյանը:
Մանրամասն՝ թերթի այսօրվա համարում
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
