«Ժողովուրդ». Արամ Դանիելյանի նախընտրական շտաբը խոստովանել է՝ իրենք են նկարահանել Նիկոլ Փաշինյանին
Հայկական Մամուլ
«Ժողովուրդ» օրաթերթը գրում է.
«Մարտի 22-ին ՀՀ ԱԺ պատգամավոր Նիկոլ Փաշինյանը ԱԱԾ պետ Գեորգի Կուտոյանին գրություն էր ուղարկել Հրազդան քաղաքում իրեն գաղտնի հետևելու մասին. «Տեսանյութից ակնհայտ է դառնում, որ ինչ-որ անձինք մարտի 21-ին Հրազդան քաղաքում գաղտնի հետևել են ինձ»:
Պատգամավորն ակնկալում է ստանալ հետևյալ հարցերի պատասխանը՝ ովքե՞ր են հետևել իրեն և ինչո՞ւ են դա արել գաղտնի: Զինվա՞ծ են եղել արդյոք այդ անձինք, ո՞ւմ հանձնարարությամբ են իրականացրել և այլն: ԱԱԾ-ն ստացել է Նիկոլ Փաշինյանի դիմումը:
«Ժողովուրդ»-ի տեղեկություններով՝ արդեն պաշտոնական հարցում է արվել Հրազդանի քաղաքապետ Արամ Դանիելյանի նախընտրական շտաբին, թե արդյո՞ք իրենք են իրականացրել նկարահանումը: ԱԱԾ-ի հարցմանը դրական է տրվել շտաբից՝ խոստովանելով, որ իրենք են, իսկ թե կոնկրետ ով է իրականացրել նկարահանումը, մեզ չհաջողվեց պարզել: Հիմա ԱԱԾ-ում պատրաստում են Փաշինյանին ուղարկվելիք նամակը»:
Մանրամասները' թերթի այսօրվա համարում
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
