Տեսողության շտկում` բացառիկ ֆեմտովայրկյանային լազերի միջոցով

Տեսողության տարբեր խանգարումների շտկման մեթոդներն ամբողջ աշխարհում պարբերաբար զարգանում ու նոր նշաձող են սահմանում: Հայաստանում՝ ի դեմս Ս. Վ. Մալայանի անվան Ակնաբուժական կենտրոնի, ներդրվում ու կիրառվում են ակնաբուժության ոլորտի բոլոր առաջադեմ մոտեցումները:

Ս. Վ. Մալայանի անվան Ակնաբուժական կենտրոնն ունի տեսողության լազերային շտկման տասնամյա փորձ: 2005 թ.-ից ի վեր կենտրոնում կատարվել է ավելի քան 8500 լազերային վիրահատություն /ՖՌԿ, LASIK /, որոնց արդյունավետության ու առավելության ապացույցն են օրեցօր աճող վստահությունը:

2010թ.-ին առաջինը Հայաստանում Ս. Վ. Մալայանի անվան Ակնաբուժական կենտրոնի ՛՛Ախտորոշիչ և լազերային բուժման՛՛ բաժանմունքի վարիչ, բ.գ.թ. Ելենա Ալեքսանդրի Մալայանն է կատարել տեսողության լազերային շտկում՝ LASIK` ռեֆրակցիոն վիրաբուժության նոր եղանակով կարճատեսության, հեռատեսության և աստիգմատիզմի շտկման նպատակով:

2014թ.-ի մարտից Ս. Վ. Մալայանի անվ. ակնաբուժական կենտրոնում հնարավոր դարձավ տեսողության լազերային շտկման նորագույն եղանակի իրագործումը՝ Ֆեմտո-LASIK-ը. Այս մեթոդից կարող են օգտվել բարակ եղջրենիով և բարդ ռեֆրակցիայով հիվանդները:

Ֆեմտո-LASIK նորագույն եղանակն ունի զգալի տարբերություններ, որոնք հնարավորություն են տալիս միջամտությունն իրականացնել բավական բարդ դեպքերում: FS200 Wave Light Ֆեմտովայրկյանային լազերը միացված է կենտրոնում առկա էքսիմեր-լազերի հետ՝ որպես միասնական համակարգ:

Ֆեմտովայրկյանային լազերը վայելում է ամբողջ աշխարհի ռեֆրակցիոն վիրաբույժների վստահությունը և 1999 թ.ին արժանացել է Նոբելյան մրցանակի:

FS200 Wave Light (Femtosecond Laser) Ֆեմտովայրկյանային լազերը` միակը Հայաստանում, թույլ է տալիս ընդամենը վայրկյանի ընթացքում ձևել եղջրենու գերբարակ լաթը՝ կառավարվող հաստությամբ, տրամագծով, կենտրոնի տեղակայմամբ և հյուսվածքաբանությամբ:

Մեխանիկական ներգործության բացակայությունը ֆեմտո- LASIK-ի բացառիկ յուրահատկությունն է, ինչի շնորհիվ, զգալիորեն նվազում է շտկման միջամտության անվտանգությունը և հետվիրահատական բարդությունների հավանականությունը:

Ֆեմտո-LASIK եղանակի առավելություններն են.

• Բարձր արդյունավետություն, կողմնակի երևույթների առաջացման նվազագույն հավանականությամբ և նվազագույն վերականգնման ժամանակահատվածում ձեռք բերվող առավելագույն տեսողություն:
• Ֆեմտո-LASIK-ի լազերային շտկման ընթացքում հիվանդն իրեն հարմարավետ է զգում, ողջ միջամտության ընթացքում պահպանվում է տեսողական ֆունկցիան՝ բացառելով աչքերի առջև մթության զգացումը:
• Տեսողական ֆունկցիայի գերարագ վերականգնում:
• Մակերեսային լաթի ձևավորման ժամանակ կտրվածքի բացակայություն:
• Եղջրենու լաթի ձևավորվում ընդամենը վայրկյանում:
• Բարակ եղջրենու դեպքում շտկում կատարելու հնարավորություն:
• Ապահովում առավելագույն տեսողություն ցածր լուսավորության պայմաններում /մթնշաղ, գիշեր, անձրև կամ մառախուղ/:
• Եղջրենու լաթի անհատականացում:

Դուք հնարավորություն ունեք ոչ միայն ձերբազատվել ակնոցներից և կոնտակտային ոսպնյակներից, այլև ձեռք բերել լիարժեք կյանք:

FEMTO-LASIK եղանակը արագություն է, երաշխավորված արդյունք, վստահելիություն և կանխատեսելիություն: