Հավաքագրված միջոցներն ուղղվելու են սպառազինությունների ձեռքբերմանը. ԼՂՀ փոխվարչապետ

ԼՂՀ փոխվարչապետ Արթուր Աղաբեկյանը «Ֆեյսբուքի» իր գրառումով դիմել է Արցախում, Հայաստանում և արտերկրում ապրող հայրենակիցներին՝ նշելով, որ Արցախի կառավարության կողմից բացված հատուկ հաշվեհամարներն միջոցները օր-օրի համալրվում են, և միջոցներն ուղղվելու են նաև Զինված ուժերի համար արդի սպառազինությունների ձեռքբերմանը:

«Արցախում, Հայաստանում և արտերկրում ապրող իմ հայրենակիցներ,
ոչ ռուսը, և ոչ էլ որևէ մեկը' բացի հայից, մեր սահմանին չի զոհվելու, մեր հայրենիքի պաշտպանության գործում դեր չի ունենալու: Արցախի կառավարության կողմից բացված հատուկ հաշվեհամարը օր-օրի համալրվում է, և այն ուղղվելու է բացառապես Զինված ուժերի համար սպառազինությունների ձեռքբերմանը: Մենք այլընտրանք չունենք, ինքներս պիտի հոգանք մեր պաշտպանությունը: Նվիրաբերելով պաշտպանության բնագավառին ուղղված ֆինանսական և նյութական ռեսուրսներ' կկարողնանք խնայել մեր զինվորների կյանքը», -  նշել է Արթուր Աղաբեկյանը:

ԼՂՀ կառավարության հաշվեհամաներին մինչ 07.04.2016թ. հավաքված նվիրատվություններին կարելի է ծանոթանալ այստեղ: Հավաքված գումարը կազմում է 891 մլն 583 հազար 119 դրամ, 63 հազար 707 ԱՄՆ դոլար, 1938 եվրո և 11 մլն 238.6 հազար ՌԴ ռուբլի։

Նշենք, որ ստեղծված այս ծանր իրավիճակում հազարավոր հայրենակիցներ դիմում են Արցախի Հանրապետության կառավարությանը՝ հայտնելով իրենց աջակցությունն ու օգնություն ցուցաբերելու պատրաստակամությունը: Այդ կապակցությամբ ԼՂՀ կառավարության կողմից բացվել են հետևյալ բանկային հաշիվները'

Սպասարկող բանկ' «Արցախբանկ» ՓԲԸ Հասցե' Կիևյան փողոց 3, Երևան, Հայաստան SWIFT'ARTSAM22

Ստացող' Լեռնային Ղարաբաղի Հանրապետության ֆինանսների նախարարություն

Հաշվի համարը' 22300612211100 (ՀՀ դրամ).

Հաշվի համարը' 22300110153200 (ԱՄՆ դոլար).

Հաշվի համարը' 22300200153300 (Եվրո).

Հաշվի համարը' 22300400153100 (ՌԴ ռուբլի):