Խնդիրը քանակի մեջ չէ, այլ՝ որակի. Արթուր Գևորգյան
Սպորտ
«Դինամո» մարզադահլիճում մեկնարկեց Հայաստանի Հանրապետության բռնցքամարտի տղամարդկանց մեծահասակների առաջնությունը:
«Անցած տարիներին մարզիկների թիվն ավելի շատ էր: Կարելի է այս ամենից հետևություններ անել, որ մարզիչները իրենց ակումբներում, մարզադպրոցներում ճիշտ չեն աշխատում, ինչը ես բազմիցս նշել եմ: Սա հերթական ստուգատեսն է, որի ընթացքում ձևավորվում է հավաքականը: Քանի որ մեր օլիմպիականները որոշել են զբաղվել պրոֆեսիոնալ սպորտով՝ այս ստուգատեսը կհամալրի նոր մարզիկներով: Խնդիրն առաջնությանը մասնակցող մարզիկների քանակի մեջ չէ, այլ՝ որակի»,- լրագրողների հետ զրույցում նշեց Հայաստանի բռնցքամարտի ֆեդերացիայի նախագահ Արթուր Գևորգյանը:
Վերջինիս խոսքով՝ ֆեդերացիայում, հավաքականներում վերադասավորումներ կլինեն՝ այն էլ աշխարհի երիտասարդական առաջնությունից հետո:
Մրցաշարն անցկացվում է «Դինամո» մարզադահլիճում հոկտեմբերի 19-22-ը:
Առաջնությանը մասնակցում են շուրջ 100 մարզիկ՝ 10 քաշային կարգերում:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
