Արշտայի պատրաստումը հայկական գյուղում (լուսանկար)
Գիտություն և Մշակույթ
Ռուբեն Շուխյանը ֆեյսբուքյան իր էջում գրել է.
«20-րդ դարասկզբին տպագրված այս փոստային բացիկը ներկայացնում է արշտայի (ինչպես նշված է բացիկի դարձերեսին՝ «հայկական մակարոնի») պատրաստման գործընթացը Արևելյան Հայաստանի գյուղերից մեկում:
Արշտան (կամ՝ արիշտա, ռշտա) պատրաստվում էր անալի, պինդ խմորից։ Խմորը հարթեցվում էր գրդնակով, ինչպես լավաշը, ապա խմորի բացվածքը մի քանի տակ ծալելով՝ դանակով երիզաձև կտրատվում էր: Այնուհետև արդեն կտրված խմորի կծիկը բացվում և կախվում էր պարանին՝ արևի տակ չորանալու, իսկ չորանալուց հետո՝ բովվում էր թոնրի կամ փռի մեջ։ Արշտան հայկական գյուղերում ավանդաբար համարվում էր ձմեռվա համար պահածո սննդամթերք և օգտագործվում էր զանազան կերակուրներ՝ փլավ, ապուր և այլն պատրաստելիս»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
