«ՀԺ». Կառավարությունը տնտեսական մրցակցությունը որպես խնդիր չի դիտարկում

«Հայկական ժամանակ» օրաթերթը գրում է․ «Մինչ ՀՀ կառավարությունը հայտարարում է փոփոխությունների մասին, հավակնոտ ծրագրեր է մշակում ու ներկայացնում հանրությանը, մեր տնտեսության մոնոպոլիզացիայի աստիճանը ոչ մի կերպ չի նվազում՝ դրանից բխող բոլոր հետևանքներով:

Օրերս ՀՀ ազգային վիճակագրական ծառայությունը հրապարակեց սպառողական գների վերաբերյալ սեպտեմբերյան զեկույցը, որի համաձայն՝ շաքարավազի 1 կիլոգրամը Հայաստանում արժեցել է 385 դրամ:

Նույն ամսին ռուսաստանյան սուպերմարկետներում շաքարավազի միջին գինը կազմել է 370 դրամ, իսկ որոշ ցանցերում այն արժեցել է նույնիսկ 340 դրամ: Այսինքն մրցակցության իսպառ բացակայության պատճառով ՀՀ-ում շաքարավազը մինչև 15 տոկոսով թանկ է, քան ՌԴ-ում, որի հետ մենք մաքսային սահման չունենք և գտնվում ենք միևնույն տնտեսական տարածքում: Բանանի գինը այդ նույն ամսին Հայաստանում եղել է 883 դրամ, մինչդեռ ՌԴ-ում դրա գինը, ըստ ռուսական մասնագիտացված կայքերի, եղել է 500-550 դրամ կամ ավելի քան 30 տոկոսով էժան:

Միասնական տնտեսական տարածքի տրամաբանությունն ու բովանդակությունը հուշում է, որ Հայաստանում ազատ մրցակցության պայմաններում գների այսպիսի տարբերությունը պարզապես բացառվում է: Իսկ կառավարությունը իր նոր ծրագրում տնտեսական մրցակցությունը նույնիսկ չի էլ դիտարկում որպես լուրջ խնդիր»:

Մանրամասները՝ թերթի այսօրվա համարում