Քարդաշյանի տանն անվտանգության սենյակ են սարքավորում (ֆոտո)

Ամերիկացի հեռուստաստղ Քիմ Քարդաշյանը, որը 2016 թվականի հոկտեմբերի սկզբին կողոպուտի զոհ էր դարձել Փարիզում, կարգադրել է այսպես կոչված անվտանգության սենյակ սարքավորել իր լոսանջելեսյան տանը: Հարկաբաժինը կկարողանա դիմանալ 7 մագնիտուդով երկրաշարժի եւ Ցելսիուսի մինչեւ 530 աստիճան տաքացման, տեղեկացնում է The Daily Mirror-ը:

Հատուկ տարածքի կառուցման արժեքը, որը ներառում է մեկ բնակելի սենյակ եւ մեկ լոգարան, կկազմի 100 հազար դոլար: Հարկաբաժինը կհանդերձեն տեսախցիկներով:

Տունը, որտեղ Քիմ Քարդաշյանն ապրում է ամուսնու՝ Քանյե Ուեսթի եւ երկու զավակների հետ, գտնվում է Լոս Անջելեսի Բել-Էյր հեղինակավոր շրջանում: Դրա ձեռքբերումն ամուսնական զույգի վրա նստել է 20 մլն դոլար: