Կրկին դանակահարություն Շիրակի մարզում․ 55-ամյա տղամարդը հիվանդանոցում մահացել է

Քիչ առաջ դանակահարության դեպք է տեղի ունեցել Գյումրիում։ ԼՈՒՐԵՐ.com-ի տեղեկություններով՝ ժամը 17։40-ին «Գյումրու ԲԿ» է տեղափոխվել Շիրակի մարզի Շիրակ գյուղի 55-ամյա բնակիչ Լյովա Հաջյանը։

Տղամարդը «Գյումրու ԲԿ» է տեղափոխվել կրծքավանդակի ծակած-կտրած վերքով, ճակատային հատվածի և քթի սալջարդերով։ 

Ստացված վնասվածքներից տղամարդը մահացել է։ 

Հիշեցնենք, որ այսօր առավոտյան Շիրակի մարզի Հառիճ գյուղում էլ համագյուղացիների միջև վիճաբանությունն ավարտվել էր դանակահարությամբ։ Դանակահարված տղամարդը հիվանդանոցում է՝ վերակենդանացման բաժանմունքում։