«Ժողովուրդ». ՀՀ կառավարությունը ռիսկային վարկեր է տրամադրել

«Ժողովուրդը» գրում է. «Այս տարվա ինն ամիսներին ՀՀ պետական բյուջեի միջոցներից 899.8 միլիարդ դրամ հատկացվել է ընթացիկ ծախսերին: Այս ծախսերի բյուջեով նախատեսված 9 ամիսների ծրագիրը կատարվել է 96 տոկոսով: Այսինքն՝ 9 ամիսների կտրվածքով ավելի քան 37 միլիարդ դրամի ծրագրված ընթացիկ ծախս չի կատարվել: Մյուս կողմից՝ ունենք այն իրողությունը, որ այդ ամենի արդյունքում Հայաստանի պետական կառավարման համակարգում ոչ մի կարեւոր խնդիր չի առաջացել:

Ուստի կարող ենք արձանագրել, որ նշված ծախսերը եղել են չհիմնավորված: Հաջորդ ուշագրավ տվյալը վերաբերում է ընթացիկ տարվա ծախսերին, վերաբերում է ՀՀ ռեզիդենտների պետական բյուջեից վարկեր տրամադրելուն: Ինն ամիսներին 20.9 մլրդ դրամ վարկ է տրամադրվել: Սակայն նույն ժամանակահատվածում պետական բյուջեից տրամադրված վարկերի վերադարձվելիությունը կազմել է ծրագրվածի 62.4 տոկոսը: Ստացվում է, որ նախորդ ժամանակահատվածում ՀՀ կառավարությունը ռիսկային վարկեր է տրամադրել»:

Մանրամասները՝ թերթի այսօրվա համարում: