Նիկոլը ե՞րբ ա ճիշտ ասել, որ հիմա ասի. Սամվել Ալեքսանյանը՝ Փաշինյանի հայտարարության մասին
Քաղաքական
Հանրապետական խմբակցության պատգամավոր Սամվել Ալեքսանյանն ԱԺ նիստերին մի քանի օր բացակայելուց հետո այսօր եկել էր Ազգային ժողով: Լրագրողները պատգամավորից հետաքրքրվեցին, թե ինչպե՞ս կմեկնաբանի իր հասցեին ուղղված մեղադրանքները, որոնք կապված են «Ձկնկուլ» մականվամբ Արմեն Իսրայելյանի սպանության հետ: Ի պատասխան՝ պատգամավորն արձագանքեց՝ հեգնելով.
«Ի՞նչ մեղադրանքներ, խի՞ պետք ա ինձ հետ կապվի՞, որ…. Նիկոլը ե՞րբ ա ճիշտ բան ասել, որ հիմա ասի»:
Հարցին՝ հնարավո՞ր է, որ այս սպանությամբ իր «գլխին սարքում են», Սամվել Ալեքսանյանն արձագանքեց. «Ա՛յ ցավդ տանեմ, հավես չունե՛մ»:
Նա վստահեցրեց նաև, թե ինքն Արմեն Իսրայելյան անունով գործընկներ երբեք չի ունեցել և չունի:
Հիշեցնենք, որ Նիկոլ Փաշինյանը ԱԺ-ում հայտարարել էր, թե Արմեն Իսրայելյանի սպանության հետքերը բերում են Հայաստանի Ազգային ժողով: Նշենք, որ Իսրայելյանն ավելի վաղ հանդես էր եկել հայտարարությամբ, որտեղ հայտնել էր, թե Սամվել Ալեքսանյանը սպառնում է իրեն:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
