Dior-ը Մարիոն Կոտիյարին նկարահանել է վարդերի պարտեզում

Ֆրանսիացի դերասանուհի Մարիոն Կոտիյարը մասնակցել է Dior նորաձեւության տան գովազդային արշավին: Նա պայուսակներ է ներկայացրել նոր կրուիզային հավաքածուից:

Նկարահանումներն անցկացվել են Քրիստիան Դիորի՝ Գրանվիլում գտնվող ֆրանսիական տոհմական կալվածքում, որտեղ այժմ տեղավորված է մոդելագործի տուն-թանգարանը: Կոտիյարը ծաղկանոցում կեցվածք է ընդունել վարդերի եւ վարդակակաչների ֆոնին:

Christian Dior ֆրանսիական նորաձեւության տունը հիմնադրվել է 1946 թվականին մոդելագործ Քրիստիան Դիորի կողմից: Ժամանակի հետ այդ բրենդի ներքո սկսել է թողարկվել ոչ միայն կանանց ու տղամարդկանց համար նախատեսված հագուստ, կոշիկ եւ պարֆյումերիա, այլեւ դեկորատիվ կոսմետիկա, ինչպես նաեւ մաշկի խնամքի միջոցներ, ժամացույցներ, ոսկերչական իրեր:

Dior-ն արդեն հայտնի դերասանների է ներգրավել իր գովազդային արշավներին: Օրինակ, Dior Homme Sport գովազդի համար հրավիրել են Ջուդ Լոուին, իսկ Sauvage բույրը ներկայացրել է Ջոնի Դեփը: 2016 թվականին Dior-ը թողարկել է Milky Dots կոսմետիկայի շարքը, որը նվիրված էր կաթնային կոկտեյլներին:

Մարիոն Կոտիյարը թատրոնի եւ կինոյի ֆրանսիացի դերասանուհի է: Նա «Երկար նշանադրություն» ֆիլմում խաղացած դերի համար «Սեզար» մրցանակի է արժանացել «Երկրորդ պլանի լավագույն դերասանուհի» անվանակարգում: 2008 թվականին «Օսկար» է ստացել «Վարդագույն կյանք» ֆիլմի համար, որտեղ խաղացել է երգչուհի Էդիտ Պիաֆի դերը: