Եթե կա դրսի հետք, ապա դա արվել է տեղացիների ձեռքով. Լևոն Զուրաբյան
Քաղաքական
ԱԺ ՀԱԿ խմբակցության ղեկավար Լևոն Զուրաբյանը կասկածի տակ է դնում հոկտեմբերի 27-ի ոճրագործության մեջ դրսի ուժերի մասնակցությունը: Նա չի ցանկանում շահարկել այս թեման, բայց կարծում է, որ նման հանցագործությունները բացառելու համար նախևառաջ կարգ ու կանոն պետք է հաստատել սեփական տանը, հետո մտածել դրսի ուժերի մասին:
«Եթե կա դրսի հետք, ապա դա արվել է տեղացիների ձեռքով: Պետք է նախևառաջ գտնվեն այն մարդիկ, ովքեր, լինելով Հայաստանում, միգուցե նաև Հայաստանի իշխանությունից, այդ ոճրագործությունում ունեն իրենց մեղսակցությունը: Եթե սա բացահայտվի, դրանով դրսի ձեռքը կբռնվի, եթե իհարկե, այդպիսին կա»,- լրագրողների հետ զրույցում ասաց նա:
Զուրաբյանի խոսքով՝ երկրում ներքին անկայունությունը, որը հիմք է հանդիսանում նաև նման հանագործությունների համար, կարող է ազդեցություն ունենալ քաղաքական լուրջ հարցերի, ինչպես օրինակ՝ Լեռնային Ղարաբաղի խնդրի կարգավորումն է: «Մեծ հաշվով, իհարկե, Ղարաբաղյան խնդրի չկարգավորումը շատ ավելի ֆունդամենտալ է»,- եզրափակեց պատգամավորը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
