Մանդատ է պետք

Արդյո՞վ ովքեր են…

Պատգամավորներ են, ովքեր նստած ԱԺ փափուկ աթոռներին երևի թե հանուն ազգիս բարօրության կամ ի շահ իրենց օրենքներ են ընդունում, մերժում, ասում, խոսում, քննարկում ու քննարկվում…

Արդեն 4 տարի է 131 պատգամավոր ապրում է մեր վճարած հարկերի շնորհիվ ու երևի թե սրտատրոփ սպասում 2017-ին՝ մեկ էլ տեսար վերընտրվեց, մեկ էլ տեսար…

Քանի որ հաշված ամիսներ են մնացել մինչ ԱԺ ընտրությունները, մենք շարունակում ենք վերհիշել նրանց գործունեություն՝ պատգամավոր առ պատգամավոր ներկայացնելով նրանց անցած ուղին:

Lurer.com-ի դիտակետում հայտնված հաջորդը անկախ պատգամավոր Խաչատուր Քոքոբելյանն է:
……………
Ծնվել է 1967թ. հունիսի 22-ին Աչաջուր գյուղում (Տավուշի մարզ):

1991թ. ավարտել է Երեւանի պետական համալսարանի մաթեմատիկայի ֆակուլտետը: Մաթեմատիկոս, մանկավարժ: Ֆիզմաթ գիտությունների թեկնածու:

1991-2003թթ. դասավանդել է Երեւանի պետական համալսարանի Իջեւանի մասնաճյուղում եւ Երեւանի պետական համալսարանում:

2003-2010թթ. եղել է «Արթիկտուֆ» ՓԲԸ-ում տնօրենների խորհրդի նախագահ:

2002-2010թթ. եղել է ՀՀՇ կուսակցության վարչության փոխնախագահ: 2011թ. «Ազատ դեմոկրատներ» կուսակցության հիմնադիր նախագահն է:

2012թ. մայիսի 6-ին ԱԺ պատգամավոր է ընտրվել համամասնական ընտրակարգով «Ժառանգություն» կուսակցությունից:
……
Պատգամավոր Խաչատուր Քոքոբելյանի աշխատանքային գործունեությունը գնահատելուց նրան կարելի բավարարից մի փոքր բարձր գնահատական տալ: Աշխատում է մարդը:

Նիստերից թեպետ բացակայել է, սակայն ներկա ժամանակ չի զլացել հարցեր տալ, ելույթներ հնչեցենել ու պատասխանել լրագորղների հարցերին:

Հիմա թվերի լեզվով:

Parliamentmonitoring.am կայքի տվյալներով պատգամավորեկան գործունեության ընթացքում Քոքոբելյանը 34 հարց է հնչեցրել և 13 ելույթ:

Երբ ուսումնասիրում ենք նրա քվերակության արդյունքները, պարզ է դառնում, որ ամեն դեպքում նա ԱԺ չի եկել բացառապես կողմ քվեարկելու համար՝ ինչպես անում են շատերը:

Վերջին 4 տարիների ընթացքում Քոքոբելյանը 430 անգամ կողմ է քվերակել, դեմ է քվերակել 119 անգամ, ձեռնպահ մնացել՝ 123 անգամ:

Բացակաների թիվն էլ՝ 185 է:

Լրագրողների հարցերից գրեթե չխուսափող Քոքոբելյանի մասին շատ խոսվեց 2012-ին, երբ նոր էր ստանձնում պատգամավորի մանդատը և դեռ «Ժառանգություն» խմբակցության կազմում էր:

2012-ի մայիսի 6-ին միասնական ցուցակով խորհրդարանում հայտնվելուց քորոշ ժամանակ «Ժառանգության» ղեկավար Րաֆֆի Հովհաննիսյանը մեղադրեց «Ազատ դեմոկրատներ»-ի ղեկավար Քոքոբելյանին՝ պայմանավորվածությունները խախտելու մեջ:

Ըստ Հովհաննիսյանի՝ինքն ու Քոքոբելյանն ավելի վաղ պայմանավորվել էին, թե մանդատները պետք է վայր դնեն միասին' ճանապարհ բացելով երիտասարդների համար: Րաֆֆի Հովհաննիսյանը հրաժարվել էր մանդատից, իսկ Խաչատուր Քոքոբելյանը՝ ոչ և միաժամանակ էլ հայտարարել էր, որ նման պայմանավորվածություն չի եղել:

Էլ քաչալ շուն, էլ գող կատու…

Երկկողմանի վիրավորաննքերն ու մեղադրանքերը թեժ էին:

Վերջիվերջո, նույն 2012-ի հոկտեմբերի 22-ին Քոքոբելյանը դիմում ներկայացրեց՝ անկախ պատգամավոր դառնալու խնդրանքով։

Նա հեռացավ «Ժառանգությունից»՝ վաստակեց մի փունջ մեղադրանքներ, բայց պինդ պահեց մանդատ, որին տենչում է կրկին տիրանալ:

Նա արդեն իսկ հայտարարել է, որ չի բացառում քաղաքական որևէ ուժի հետ համագործակցելը, թեպետ համոզված է, որ իր «Ազատ դեմոկրատներ» կուսակցությունը 2017-ին դառնալու է խորհրդարանական ուժ:

Թե ինչ գնով դա կանի Քոքբելյանը՝ գիտի պատգամավորը, բայց որ ջանք ու գումար չի խնայի՝ ենթադրելի: Մանդատով անարգել շատ բանի կարող ես հասնել…

2013-ի սեպտեմբերին «Ժողովուրդ»-ին հայտնի դարձավ, որ ԱԺ պատգամավոր Խաչատուր Քոքոբելյանն իր հայրենի Տավուշի մարզում հերթական հէկ-ն է կառուցում: Քոքոբելյանին պատկանող երրորդ հէկ-ը եւս կառուցվում էր Պաղջուր գետի վրա' Գետահովիտ գյուղի մոտ և ուղեկցվում էր բնապահպանների ու գյուղացիների բողոքի նոտաներով՝ բնապահպանական հերթական աղետի մասին էին ասում…

Ինչևէ, ընդդիմադիր ձևացող պատգամավորը խոշոր բիզնեսներ է անում՝ չլսելով ոչ մի բողոքի ձայն…

Անի Սահակյան