ՀՎԿ-ն պարզաբանում է

Այսօր «Ժամանակ» օրաթերթը նյութ է հրապարակել այն մասին, որ «Հայկական վերածնունդ» կուսակցությունում բունտ է հասունանում և ՀՎԿ-ի մեջ ներգրավված կուսակցություններիը ցանկանում են դուրս գալ և, որ ամենազավեշտալին է, ցանկանում են նոր համագումար անել և կուսակցոթյան նախագահ ընտրել ոմն Ռոբերտ Ահարոնյանի:

ՀՎԿ լրատվականից պարզաբանման մեջ ասվում է. «Նախ ի սկզբանե նշեմ, տեղեկատվությունը չի համապատասխանում իրականությանը : «Հայկական վերածնունդ» կուսակցությունում այլ կուսակցություններ գոյություն չունեն, քանզի ՀՎԿ-ին միաձուլված կուսակցությունները՝ ՀՀ օրենսդրության համաձայն, գրեթե մեկ տարի է լուծարվել են և, հետևաբար, խոսել արդեն նախկին կուսակցությունների դուրս գալու մասին ոչ միայն աբսուրդ է , իսկ ՀՎԿ-ին միացած կուսակցությունների մեջ Ռոբերտ Ահարոնյան անուն ազգանունով մարդ չկա: Եվս մեկ անգամ կրկնում եմ, «Ժամանակ» օրաթերթի հրապարակած նյութը չի համապատասխանում իրականությանը, իսկ «Հայկական վերածնունդ» կուսակցությունը ունի քաղաքական մեծ փորձ ունեցող, լրջախոհ ու հավասարակշռված քաղաքական առաջնորդ՝ ի դեմս Արթուր Բաղդասարյանի, ով դեռևս այս տարվա փետրվարին, կուսկցության հիմնադիր համգումարում միաձայն ընտրվել է կուսակցության նախագահ: Այսօր «Հայկական վերածնունդ» կուսակցության թիմը և տասնյակ հազարաների հասնող քաղաքական բանակը առավել քան եբևէ կուռ և համախմբված է կուսակցության, նրա ղեկավարի և այն գաղափարների շուրջ, որի համար պայքարել է տարիներ շարունակ: Ընդամենը օրեր առաջ տեղի ունեցած ՏԻՄ ընտրություններում գրանցած արդյունքներ ասվածի վառ ապացույցն են, որը, ինչպես երևում է, ոմանց հանգիստ չի տալիս:

ՀՎԿ լրատվական-քարոզչական մասի ղեկավար

Էդգար Առաքելյան