Վթար Բերդ քաղաքում. տուժածի վիճակը ծանր է

Հոկտեմբերի 31-ին, ժամը 15.59-ին ահազանգ է ստացվել, որ Տավուշի մարզի Բերդ քաղաքի հացի փռան մոտ տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Ինչպես տեղեկանում ենք ԱԻՆ պաշտոնական կայքից, դեպքի վայր է մեկնել մեկ մարտական հաշվարկ:

Պարզվել է, որ Տավուշեցու փողոցի թիվ 35 հասցեի մոտակայքում բախվել են «Մերսեդես Ե» մակնիշի 35AN421 (վարորդ՝ Վ. Մ. ծնվ. 1981թ.) եւ ՀՀ ՊՆ N զորամասին պատկանող «ԳԱԶ 66» մակնիշի ՊՆ7120Շ (վարորդ՝ Ա. Մ. ծնվ. 1977թ.) պետհամարանիշերի ավտոմեքենաները:

Մինչ հրշեջ-փրկարարների կանչի վայր հասնելը տեղի ուժերով Վ. Մ.-ին դուրս է բերել ավտոմեքենայից եւ հոսպիտալացրել Բերդի զինվորական հոսպիտալ, որտեղ բժիշկները տուժածի առողջական վիճակը գնահատել են ծանր:

Հրշեջ-փրկարարները սահմանազատել են ավտոճանապարհը եւ հոսանքազրկել«Մերսեդես Ե» մակնիշի ավտոմեքենան: