Գեղարքունիքի մարզում առատ ձյուն է տեղում
Այլ
Գեղարքունիքի մարզի տարածքով մեկ նոյեմբերի 1-ի գիշերվա ժամերից տեղումները շարունակում են թափվել ձյան տեսքով: ՀՀ ԱԻՆ Գեղարքունիքի մարզի փրկարարական վարչության պետի տեղակալ, ճգնաժամային կառավարման կենտրոնի պետ Հայկ Աբրահամյանը, նոյեմբերի 1-ի առավոտվա դրությամբ գետնի մակերեսին արդեն 7-10 սանտիմետր շերտով ձնածածկույթ կա, սակայն ճանապարհներին հիմնականում պահպանվում է անցանելիությունը:
«Ձյունն առայժմ տեղում է հալոցքով, դրա համար էլ, չնայած առատությանը, դեռ գետնին ձյան հաստ շերտ չի ձեւավորվել, ճանապարհներին պահպանվում է անցանելի վիճակը, տեղերից ճանապարհատրանսպորտային պատահարների կամ մեքենաների արգելափակման մասին ահազանգեր չունենք»,-իրավիճակը ներկայացրեց Հայկ Աբրահամյանը:
Նույն աղբյուրի տեղեկացմամբ՝ փրկարարները նոյեմբերի 1-ի առավոտվանից վերսկսել են հոկտեմբերի 31-ին Սեւանա լճում անհետ կորած երկու ձկնորսների որոնումները:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
