«Յունայթեդը» պարտվեց «Ֆեներբահչեին», Մխիթարյանը մասնակցեց խաղին (տեսանյութ, լուսանկարներ)

Եվրոպայի լիգայի խմբային փուլի 4-րդ տուրում «Մանչեսթեր Յունայթեդը» հյուրընկալվեց «Ֆեներբահչեին»:

Ստամբուլում տեղի ունեցած հանդիպումն ավարտվեց դաշտի տերերի հաղթանակով. թուրքական ակումբը  «կարմիր սատանաների» նկատմամբ առավելության հասավ 2:1 հաշվով:

Հանդիպման երկրորդ րոպեին Մուսա Սովը ֆանտաստիկ գոլի հեղինակ դարձավ, իսկ  59-րդ  Դե խեայի պաշտպանած դարպասը գրավեց  Ջերմեն Լեյսը:

Խաղավարտին` 89-րդ րոպեին Ուեյն Ռունի նկրճատեց հաշվի տարբերությունը:

Հայաստանի հավաքականի ավագ Հենրիխ Մխիթարյանը  հայտավորված էր մանչեսթերյան ակումբի կազմում  և խաղաժամանակ ստացավ: Կիսապաշտպանը 61-րդ րոպեին փոխարինեց Ռաշվորդին:

Այս խաղից հետո A խմբում թուրքական ակումբը վաստակեց 7 միավոր և դարձավ առաջատար, մանչեսթերցիները իրենց ակտիվում ունեն 6 միավոր և երրորդ տեղում են: