Բրեդ Փիթի դեմ հարուցված գործը փակել են

Լոս Անջելեսի Երեխաների եւ ընտանիքի գործերի դեպարտամենտը փակել է հետաքննությունը դերասան Բրեդ Փիթի նկատմամբ, որին կասկածում էին երեխաների հետ դաժան վարվեցողության մեջ, տեղեկացնում է BBC-ն:

Սոցիալական ծառայություններն ստուգել են հաղորդագրություններն այն մասին, որ Փիթն իր 15-ամյա որդուն՝ Մեդոքսին, հարվածել է մասնավոր ինքնաթիռում:

Փիթի կինը՝ Անջելինա Ջոլին, ապահարզան էր տվել ենթադրյալ միջադեպի հաջորդ օրը: Նա որպես ապահարզանի պատճառ նշել էր «անհաշտելի տարաձայնությունները»:

Լոս Անջելեսի սոցիալական ծառայությունները չեն հաստատել երեխաների հետ դաժան վարվեցողության կապակցությամբ Փիթին առաջադրված մեղադրանքը:

Նոյեմբերի 8-ին հայտնի է դարձել, որ Անջելինա Ջոլին եւ Բրեդ Փիթը պայմանավորվել են իրենց վեց երեխաների ապրելու վայրի շուրջ: Երեխաներն ապրելու են մոր հետ, իսկ Փիթը նրանց պարբերաբար այցելելու է:

Ավելի վաղ տեղեկացվել էր, որ Փիթը դատարանին խնդրել է իրեն երեխաների նկատմամբ խնամակալության նույնպիսի իրավունքներ տրամադրել, որոնք ներկայում ունի Ջոլին: Դերասանը դժգոհել է, որ բոլոր վեց երեխաներն ապում են իր կնոջ հետ, իսկ ինքը սոսկ կարող է այցելել նրանց:

Զույգը միասին ապրել է տասը տարի եւ ամուսնացել միայն 2014 թվականի օգոստոսի 23-ին: 52-ամյա Բրեդ Փիթը եւ 41-ամյա Անջելինա Ջոլին ունեն 8-ից 15 տարեկան վեց երեխաներ, որոնցից երեքը հոգեզավակներ են: