Միշտ պատրաստ ենք պաշտպանել Հայաստանի և Արցախի սահմաններն ու անվտանգությունը. ազատամարտիկներ

Արցախյան ազատամարտիկները հաղորդագրություն են տարածել, որում մասնավորապես ասվում է.

«Ազատամարտիկների անունից հայտարարում ենք, որ մենք սատար ենք կանգնում գեներալ Վարդան Ավետիսյանի կոչին, որ միշտ պատրաստ ենք պաշտպանել Հայաստանի և Արցախի սահմանները և անվտանգությունը:

Ցավոք, հայտնում ենք, որ մեր շարքերում հայտնաբերեցինք մեզ վախեցնող գեներալ, հանձինս՝ գեներալ Գագիկ Մելքոնյանի:

Զգոնության կոչ

Հայրենիքի ազատության համար մղվող պայքարը միշտ եղել է և մնում է յուրաքանչյուր անհատի, ազատամարտիկի, հայրենասերի և իրեն հայ համարող քաղաքացու մշտական ուշադրության կենտրոնում և ցանկացած պահին այն պետք է լինի հետևողական և անընդհատ: Մեր ազատամարտիկների համար զարմանալի է, որ այսօր նախկին բարձրաստիճան սպայի կամ սպաների կողմից լինում են դեպքեր հանձինս Գ. Մելիքյանի աշխատած տարիներին վայելելով գեներալական պաշտոնին հասանելի բարիքները, հիմա հրաժարվում են իրենց սկզբունքներից, զգալով իրենց մասնագիտության սխալ ընտրության համար և դեմ կանգնում ազգի միասնությանը:

Մենք կոչ ենք անում չտրվել սադրանքների, լծվել ազգի միասնությանը և համատեղ ուժերով դիմագրավել մեր ազգի նկատմամբ ցանկացած ոտնձգությանը և սատար կանգնել Վ. Ավետիսյանի նախաձեռնությանը, որն այսօր օդի և ջրի նման անհրաժեշտ է թե՛ հայրենիքին և թե՛ բանակին, ինչպես նաև հայության բարօրությանը:

Արցախ ջոկատի հրամանատար

Գագիկ Սահակյան

Գարեգին Նժդեհ ջոկատի հրամանատարի տեղակալ

Սամվել Աբրահամյան