Մոսկվայի եղանակային պայմաններն ազդել են դեպի Երևան թռիչքների վրա

Մոսկվայում վատ եղանակային պայաններն ազդել են նաև Երևանի «Զվարթնոց» միջազգային օդանավակայանի չվացուցակների վրա: Մոսկվայից-Երևան թռիչքները գրանցվում են 1-2 ժամ ուշացումներով:

Օդանավակայանից տեղեկացրին, որ արդեն մի քանի օր է, ինչ Մոսկվայից Երևան վայրէջքներն ուշանում են, սակայն ոչ մի թռիչք դեռ չեղյալ չի հայտարարվել:

Ռուսական լրատվամիջոցները տեղեկացրել են, որ Մոսկվայում եղանակային վատ պայմաններից ելնելով՝ «Վնուկովո», «Դոմոդեդովո» և «Շերեմետեվո» օդանավակայաններից չեղարկվել է մոտ 100 թռիչք: