Հենրիխ Մխիթարյանն իրականացրեց երկրպագուի երազանքը (տեսանյութ, լուսանկարներ)

Հովիկ Գրիգորյանը արցախյան քառօրյա պատերազմում հերոսաբար զոհված, փոխգնդապետ Օնիկ Գրիգորյանի որդին է։ «Նվիրենք նրանց հեքիաթ» խորագիրը կրող ծրագրի շրջանակներում իրականացվում են արցախյան պատերազմի հերոսների երեխաների երազանքները։ Հովիկի երազանքը Հենրիխ Մխիթարյանին տեսնելն էր։ «Գանձասար-Կապան» ֆուտբոլային ակումբի ղեկավարության շնորհիվ այդ երազանքը նույնպես իրականություն դարձավ։ Եվ Հովիկն, իր ընտանիքի հետ միասին՝ կարողացավ ներկա գտնվել Հայաստան-Մոնտենեգրո խաղին։ Սկզբում՝ ինչպես բոլորը, նա նույնպես տխրում էր, երբ մեր հավաքականը չէր կարողանում գոլ խփել, իսկ երկրորդ խաղակեսում ուրախությանը չափ ու սահման չկար։ Հանդիպումից հետո իրականացավ բուն նպատակը։ Եվ Հովիկը հանդիպեց Հենրիխ Մխիթարյանի հետ, խնդրեց նրա ստորագրությունը և լուսանկարվեց։ Այս մասին տեղեկացնում է «Գանձասար-Կապան»-ի մամուլի ծառայությունը: