Վիգեն Սարգսյանն արդեն վստահեցրել է, որ պետք է ավելի թափանցիկ աշխատեն. Շարմազանով
Քաղաքական
«Զինծառայողներին դրամական աջակցություն ցուցաբերելու նախագծի վերաբերյալ ՀՀԿ-ն ունի շատ հստակ դիրքորոշում»: Այս մասին ՀՀԿ ԳՄ նիստից հետո լրագրողների հետ հանդիպմանն հայտարարեց ՀՀԿ խոսնակ Էդուարդ Շարմազանովը:
«Մենք որպես քաղաքական մեծամասնություն՝ դրական ենք գնահատում այդ նախագիծը, որը միտված է ՀՀ անվտանգությունը բարձրացնելուն, ինչպես նաև համերաշխության քարոզչությանը և ազգ-բանակ կոնցեպտի զարգացմանը»,- շեշտեց նա:
Շարմազանովը խոստացավ վաղը առավել մանրամասն անդրադառնալ նախագծին և հավելեց, որ դա բարոյական շատ կարևոր նախագիծ է, որի վերաբերյալ քննադատությունները տեղին չեն:
«Կարծում եմ, որ այն բոլոր խնդիրները, որոնք կան ու, որոնք կապում են այս նախագծի հետ՝ տեղին չեն: Թացն ու չորը չպետք է խառնել իրար, ինչ վերաբերում են չարաշահումներին, որոնց մասին այսօր բարձրաձայնում են, նախարարը վստահեցրեց, որ պետք է ավելի թափանցիկ և հրապարակային աշխատեն և հիմնադրամի բոլոր գումարների բոլոր ծախսերը կներկայացվեն հանրությանը: Նախարար Վիգեն Սարգսյանն արդեն նաև առաջարկել է ընդդիմդիր գործընկերներին և քաղհասարակության ներկայացուցիչներին ներառել հիմնադրամի կազմում, որպեսզի հետագայում հարցականներ չառաջանան»,- ասաց նա:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
