Թրամփը պետք է աշխատի իր խառնվածքի վրա. Օբամա

ԱՄՆ նախագահ Բարաք Օբաման կարծում է, որ նախագահի պաշտոնում ընտրված Դոնալդ Թրամփը պետք է աշխատի իր խառնվածքի վրա։ Նա նման դիրքորոշմամբ է լրագրողների առջև ելույթ ունեցել Սպիտակ տանը կայացած մամլո ասուլիսում՝ հայտնում է BBC-ն։

«Նրա խառվածքում կան որոշ առանձնահատկություններ, որոնք չեն նպաստի նա լավ աշխատանքին, քանի դեռ նա դրանք չի խոստավանել ու չի փոխել»,-կարծում է նախագահը։ «Մարդկանց որոշ ժամանակ է անհրաժեշտ՝ նոր իրականությանը հարմարվելու համար»։

Պետության ղեկավարը պարզաբանել է, որ ընտրարշավի անցկացումը տարբերվում է երկրի կառավարումից։ Օբաման կարծում է, որ Թրամփը կներդնի բոլոր հնարավոր ջանքերը՝ արդարացնելու ոչ միայն այն մարդկանց սպասումները, ովքեր քվեարկել են նրա օգտին, այլև ողջ ժողովրդի։ «Ես կարծում եմ, որ նա անկեղծորեն ցանկանում է դառնալ հաջողակ նախագահ և առաջ տանել երկիրը»,-ասել է Օբաման։

Օբաման չի պատասխանել հարցին այն մասին, թե նախկինի պես համարու՞մ է Թրամփին երկրի ղեկավարի պաշտոնի համար անպիտան։ Օբաման նշել է, որ Թրամփը պրագմատիկ է, այլ ոչ թե գաղափարախոս, սակայն խոստովանել, որ դեռևս անհանգստություն ունի հանրապետականի նախագահության վերաբերյալ։

Օբաման նշել է, որ ԱՄՆ-ը մնում է անփոխարինելի տերություն՝ չնայած իշխանության փոփոխմանը։ Օբամայի խոսքով՝ Թրամփն իրենց հանդիպման ժամանակ դաշնակիցների, այդ թվում ՆԱՏՕ-ի հետ հարաբերությունների պահպանման հանդեպ մեծ հետաքրքրություն է արտահայտել։

Ինչպես ընդգծել է գործող նախահահը, ԱՄՆ-ը հանձնառու կմնա պարտականությունների կատարմանը, որոնք դարձնում են աշխարհն ավելի անվտանգ։