Էս ժողովրդին սարքում եք գործ տվող. Ռուբեն Հակոբյան
Քաղաքական
Որևէ մեկն այս դահլիճում այդքան միամտություն չունի, որ ասի`բանակում կոռուպցիա չկա, բայց դուք պնդում եք`բանակը բավականին կոռումպացված է, իսկ ես հակադարձում եմ` պետք է կոնկրետ փաստեր ունենանք: ԱԺ-ում «1000 դրամի» նախագծի քննարկման ժամանակ արձագանքելով պատգամավոր Ռուբեն Հակոբյանի հարցին` ասաց ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ` Կորյուն Նահապետյանը:
Նշենք, որ Ռուբեն Հակոբյանը, դիմելով Կ. Նահպետյանին՝ հայտարարել էր, որ ոչ ոք դեմ չէ 1000 դրամ վճարելու օրենքի տրամաբանությանը` պարզապես կա անվստահության խնդիր.
«Այս հարցը ծագում է Ձեր նախորդ պատասխաններից: Ասում եք՝ կոնկրետ կոռուպցիայի դեպք ցույց տվեք, իսկ ինչի՞ համար են համապատասխան կառույցները: Ժողովրդին սարքում եք գործ տվո՞ղ», - ասաց Ռուբեն Հակոբյանը:
«Մեր ժողովուրդը գործ տվող ժողովուրդ չէ, պարոն Հակոբյան, բայց մեր հայրենակիցները քրեական գործերի վարույթների շրջանակներում ունեն նաև որոշակի պարտականություններ, եթե քրեական գործով ներգրավված են, օրինակ, որպես վկա», - արձագանքեց Կորյուն Նահապետյանը:
«Մենք չենք դարձնում ժողովրդին այդպիսին, ժողովուրդն ավելի վեհ առաքելություններ ունի ու դրանցից մեկն իր բանակին սատար լինելն է», - ավելացրեց նա:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
