Deep Purple-ի նոր ալբոմը կթողարկվի փետրվարին
Հասարակություն
Deep Purple բրիտանական ռոք խմբի նոր ալբոմը կթողարկվի 2017 թվականի փետրվարին: Այդ մասին ՏԱՍՍ-ում կայացած մամուլի ասուլիսում հայտնել է լեգենդար կոլեկտիվի վոկալիստ Իեն Գիլանը:
«Նոր ալբոմը կթողարկվի փետրվարին, այն կդառնա նախորդ սկավառակի շարունակությունը»,-ասել է նա:
Գիլանի խոսքով՝ խմբի նախորդ սկավառակը «լի էր Էներգիայով»: «Մենք նորովի բացահայտեցինք ազատության գաղափարը: Բոլորը գոհ մնացին այդ սկավառակից, եւ հաջորդը, հնարավոր է, ավելի լավը կլինի»,-հույս է հայտնել երաժիշտը:
Deep Purple-ի վերջին ալբոմը՝ «Now What?!»-ը, թողարկվել էր 2013 թվականի գարնանը:
Գիլանը ժամանել է Ռուսաստան, որպեսզի հանդես գա երկու համերգով՝ նոյեմբերի 15-ին՝ Մոսկվայում եւ նոյեմբերի 17-ին՝ Սանկտ Պետերբուրգում: Նա՝ Դոն Էյրիի (Deep Purple-ի ստեղնավոր գործիքների նվագող) կոլեկտիվի երաժիշտների եւ դիրիժոր Սթիվեն Բենթլի-Քլյայնի ղեկավարությամբ Մոսկվայի «Ռուսական ֆիլհարմոնիա» սիմֆոնիկ նվագախմբի նվագակցությամբ, կկատարի Deep Purple-ի հիթերը:
Deep Purple խումբը հիմնվել է 1968 թվականին Մեծ Բրիտանիայում: Կվինտետի ձայնագրությունները տարածվել են բազմամիլիոն օրինակներով, իսկ մի ժամանակ նա, Գինեսի ռեկորդների գրքի համաձայն, նույնիսկ ամենահռչակավորն էր համարվում մոլորակի վրա: Խմբի ներկայիս կազմը ձեւավորվել է 2001 թվականին: Այն իր պատմության ընթացքում թողարկել է 19 ստուդիական ալբոմ:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
