Սթիվեն Հոքինգի կարծիքով՝ մարդկությունը չի ապրի ևս մեկ հազարամյակ

Բրիտանացի տեսաբան-ֆիզիկոս Սթիվեն Հոքինգն այն կարծիքին է, որ մարդկությունը Երկրի վրա չի գոյատեւի առաջիկա հազարամյակում: Այդ մասինտեղեկանում ենք The Daily Mail թերթից, գիտնականը հայտարարել է՝ ելույթ ունենալով Օքսֆորդում:

«Չեմ կարծում, որ մենք հազար տարի կապրենք առանց մեր խոցելի մոլորակից փախչելու,-ասել է Հոքինգը:-Կարծում եմ, որ մարդկությունն ապագա չունի, եթե չհաստատվի տիեզերքում»:

Ըստ նրա՝ մեծանում է այն բանի վտանգը, որ կյանքը մոլորակի վրա կարող է անհետանալ աղետալի իրադարձությունների հետեւանքով, որոնք պայմանավորված կլինեն հանկարծակի սկսված միջուկային պատերազմով, արհեստականորեն ստեղծված վիրուսով կամ արհեստական ինտելեկտի գործունեությամբ, հաղորդել է ՏԱՍՍ-ը: