Մեթ Դեյմոնը նկարահանվում է «Օուշենի տասնմեկ ընկերների»՝ կանանց տարբերակում
Հասարակություն
Դերասան Մեթ Դեյմոնը նկարահանվում է «Օուշենի ութ ընկերները» ֆիլմում՝ Լինուս Քոլդուելի դերում՝ նրա գործող անձը բնօրինակ եռաֆիլմում:
«Կինոնկարում դերս մեծ չէ: Սցենարը դեռ չեմ կարդացել, բայց դերասանական կազմն ինձ ոգեշնչել է. ինձ համար հետաքրքիր է, թե կանայք ինչ կանեն ֆիլմի հետ»,- հայտնել է Դեյմոնը:
Կինոժապավենը կդառնա «Օուշենի տասնմեկ ընկերները» հանրաճանաչ քրեական կատակերգության կանանց տարբերակը: Այնտեղ գլխավոր դերերը կկատարեն Սանդրա Բուլոքը, Քեյթ Բլանշետը, Էն Հեթեուեյը, Հելենա Բոնեմ Քարտերը, Դակոտա Ֆենինգը եւ Ռիհաննան:
Ֆիլմը վարձույթ դուրս կգա 2018 թվականի հունիսի 8-ին: Պրոդյուսերը Ջորջ Քլունին է, որը նկարահանվել է բնօրինակ ժապավենում եւ դրա երկու շարունակություններում: Ռեժիսորը Գերի Ռոսն է, որն ավելի վաղ աշխատել է «Քաղցած խաղեր» կինոնկարի վրա:
«Օուշենի տասնեմեկ ընկերները» 1960 թվականի համանուն ֆիլմի ռեմեյքն է: Կինոնկարը մեծ էկրան է բարձրացել 2001 թվականին եւ ստացել քննադատների բարձր գնահատականը: 2004 եւ 2007 թվականներին թողարկվել են շարունակությունները՝ «Օուշենի տասներկու ընկերները» եւ «Օուշենի տասներեք ընկերները»: Գլխավոր դերերը խաղացել են Ջորջ Քլունին եւ Բրեդ Փիթը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
