Կարլսեն-Կարյակին 7-րդ պարտիան ևս ավարտվեց ոչ-ոքի

Շախմատի աշխարհի չեմպիոնի տիտղոսի համար մրցախաղի 7-րդ պարտիան ևս ավարտվեց խաղաղ արդյունքով:

7-րդ պարտիայում Կարյակինը խաղում էր սպիտակ խաղաքարերով: Պարտիայի 33-րդ քայլում կողմերը համաձայնեցին կիսել միավորը:

Այս տուրից հետո գրոսմայստերներն ունեն 3,5-ական միավոր:

Չեմպիոնն ու հավակնորդը միմյանց դեմ խաղալու են 12 պարտիա: Եթե կողմերից մեկը մինչև 12-րդ պարտիան իր ակտիվում գրանցի 6.5 միավոր, ապա մրցախաղը կավարտվի ժամանակից շուտ՝ նրա հաղթանակով: