Մեսսիին 100 մլն եվրո է առաջակվել «Բարսելոնա»-ի հետ պայմանագիրը չերկարաձգելու համար

Կատալոնյան «Բարսելոնա»-ի առաջատար Լիոնել Մեսսին ակումբներից մեկից գրավիչ առաջարկ է ստացել: Ակումբի անունը չի հրապարակվում:

Ինչպես տեղեկացնում է El Mundo-ն, Արգենտինայի հավաքականի ֆուտբոլիստին 100 մլն եվրո բոնուս է առաջարկվել՝ «կապտանռնագույնների» հետ պայմանագիրը չերկարաձգելու համար:

Նշենք, որ ներկայում ֆուտբոլիստի հրաժարագինը 250 մլն եվրո է:

Մեսսիի գործող պայմանագիրը «կապտանռնագույնների» հետ՝ ավարտվում է 2018թ-ի ամռանը:

Ավելի վաղ տեղեկացվում էր, որ դեկտեմբերի 3-ին «Ռեալ»-ի դեմ կայանալիք խաղից հետո արգենտինացին պայմանագիրը երկարաձգելու հարցի շուրջ կբանակցի կատալոնացիների հետ: