Մեսսիի նոր ռեկորդը

Չեմպիոնների լիգայի խմբային փուլի 5-րդ տուրում, «Սելտիկ»-ի դեմ հանդիպմանը հեղինակած դուբլի շնորհիվ, «Բարսելոնա»-ի հարձակվող Լիոնել Մեսսին դարձավ ռեկորդակիր:

Արգենտինացին միջազգային ակումբային մրցաշարերում հեղինակած գոլերի քանակով առաջատար է: «Սելտիկ»-ի դեմ հանդիպմանը Մեսսին «Բարսելոնա»-ի կազմում միջազգային ակումբային մրցաշարերում խփեց իր 99-րդ և 100-րդ գոլերը: Այս մասին տեղեկացնում է pasionfutbol.com-ը:

92 գոլ արգենտինացին հեղինակել է Չեմպիոնների լիգայում, 5-ը` Աշխարհի ակումբային առաջնությունում, 3-ը` Եվրոպայի սուպերգավաթի խաղարկությունում (ընդհանուր առմամբ՝ 119 խաղ):

Երկրորդ տեղում՝ 99 գոլով, Կրիշտիանու Ռոնալկդուն է, ով միջազգային ակումբային մրցաշարերում գոլերը հեղինակել է «Սպորտինգ»-ի, «Մանչեսթեր Յունայթեդ»-ի և «Ռեալ»-ի կազմում: 96 գոլ պորտուգալացին խփել է Չեմպիոնների լիգայում, 1 գոլ` աշխարհի ակումբային առաջնությունում, 2-ը` Եվրոպայի սուպերգավաթի խաղարկությունում (ընդհանուր առմամբ՝ 141):