«Փաստ». Սյունիքի մարզպետը թանկարժեք կտավներ և ժամացույցներ ունի

«Փաստ» օրաթերթը գրում է.

Սյունիքի մարզպետ նշանակված Վահե Հակոբյանը 8 միլիոն դրամը գերազանցող թվով 9–ը գույք ունի: Այս մասին տեղեկանում ենք պաշտոնյայի՝ Բարձրաստիճան պաշտոնատար անձանց էթիկայի հանձնաժողովին ներկայացրած հայտարարագրից: Մարզպետը հայտարարագրել է 5 հատ ժամացույց և մեկական սրբապատկեր, յուղանկար, ջրանկար և նկար:
Վահե Հակոբյանի պաշտոնը ստանձնելու հայտարարագրից իմանում ենք, որ վերջինս մեկ բնակարանի, մեկ հողամասի, «Lexus ES 250» մակնիշի ավտոմեքենայի և «Harley–Davidson Night Rod Special» մակնիշի մոտոցիկլի սեփականատեր է:

Սյունիքի մարզպետը 10 հազար դրամ արժողությամբ բաժնետոմսեր և 50 հազար ԱՄՆ դոլար ու 147 միլիոն 406 հազար դրամ փոխառություններ է հայտարարագրել:
Վահե Հակոբյանի պաշտոնը ստանձնելու օրվա դրությամբ ունեցած դրամական միջոցները կազմել են 195 հազար ամերիկյան դոլար, 120 հազար եվրո և 35 միլիոն դրամ: Իսկ նրա տարեկան եկամուտներն էլ կազմել են 154 միլիոն դրամ և 192 հազար եվրո և գոյացել աշխատավարձից, ստացված փոխառություններից և գույքը վաճառելուց ստացված գումարից:

Շարունակությունը' «Փաստ» օրաթերթի այսօրվա համարում: