«Յունայթեդ»-ը տիտղոս նվաճելու հնարավորություն դեռ ունի. Մոուրինյու

«Մանչեսթեր Յունայթեդ»-ի գլխավոր մարզիչ Ժոզե Մոուրինյուն հայտարարել է, որ իր թիմը Անգլիայի առաջնությունում հաղթելու շանսեր դեռ ունի, չնայած որ առաջատար «Չելսիին» զիջում է 10 միավորով:

«Միշտ էլ միավորները վերադարձնելու հնարավորություն կա, իսկ մյուս ակումբներն էլ հնարավոր է միավոր կորցնեն: Մրցաշրջանի ընթացքում պահեր են լինում, երբ ամեն ինչ ձեր դեմ է, լինում են պահեր, երբ ամեն ինչ ձեր օգտին է: Գիտենք, որ խաղը դեռ չի ավարտվել: Սա բարդ մրցաշար է: Բայց շանսեր մենք ունենք»,- Մոուրինյուի խոսքը մեջբերում է Goal.com-ը: