Կովալենկո Շահգալդյանը՝ «Օջախ» ռեստորանում տեղի ունեցած միջադեպի մասին
Հասարակություն
Այսօր մամուլում հայտնվել էին հրապարակումներ, որ «Օջախ» ռեստորանային համալիրից Աբովյանի բժշկական կենտրոն է տեղափոխվել Չարենցավան քաղաքի 17 շենքի 17 բնակարանի բնակիչ, 22-ամյա Տիգրան Հակոբի Շահգալդյանը: Հաղորդվում էր, որ վերջինս ոտքերի և նստատեղի հատվածում ունի սուր-կտրող-ծակող առարկայից ստացած վերքեր:
Նախնական տեղեկություններով՝ կասկածներ կան, որ նրան դանակարահել է Սյունիքի նախկին մարզպետ՝ «Լիսկա» մականվամբ Սուրիկ Խաչատրյանի որդին: Տիգրան Շահգալդյանը Չարենցավանի քաղաքապետ Հակոբ Շահգալդյանի տղան է և Կոտայքի նախկին մարզպետ Կովալենկո Շահգալդյանի թոռը:
ՀՀԿ ԳՄ նիստից առաջ լրագրողների հետ զրույցում Կովալենկո Շահգալդյանը հայտարարեց, որ դա եղել է սովորական վեճ և հավելեց. «Եթե սենսացիա եք փնտրում, ապա սենսացիա չկա: Այդ բոլոր տեղեկությունները սուտ են, երիտասարդների սովորական վեճ է եղել, դանակահարություն չի եղել»,-ասաց նա:
Կ. Շահգալդյանը նշեց, որ չեն համապատասխանում նաև այն տեղեկությունները, թե դանակահարողը Սուրիկ Խաչատրյանի որդին է եղել: Այլ հարցերին նա չպատասխանեց:
Արմինե Եփրեմյան
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
